تسجيل الدخول


العودة   منتدى مملكة الدوشجية > المنتدي العامـ > العـام

العـام يحتوي على المواضيع الثقافيه والعامه

شارك بصوتك نعم أم لا للتعديلات الدستوريه ولماذا

ول ماذ ا ؟

 
 
  #1  
قديم 03-17-2018
MaChiNe ThiNkiNg
رقم العضوية : 77186
تاريخ التسجيل : Nov 2018
مجموع المشاركات : 6,073
Masker غير متواجد حالياً

Masker جيــــد


 



شارك بصوتك للتعديلات الدستوريه ولماذا

ولماذا ؟

 

 

 

 

ننصحك بمشاهدة المواضيع التالية ايضا

أغنية تامر عاشور أولى إبتدائي Master 2018
نقاش بسيط
حُب الحَياه
أحدث صور نجوم بوليود في آلبوم رسمي 2018 للمصور العالمي Dabboo Ratnani
حصرياً كليب آصاله ورامي صبري مش فاكر ليك تحميل مباشر بحقوق المملكه
حبيبتي من غير مكياج أحلى
شوية آلش إنما إيه جحيم
لِسّآلي عايزلي سنين آنساه



 
التوقيع : Masker

Wrestlemania 28 Will Be The Best Happening In 2018

قديم 03-17-2018   #2
معلومات العضو
عضو شرف
مشرف القسم الإسلامي سابقا
 
goldenmember جيــــد
افتراضي رد: شارك بصوتك نعم أم لا للتعديلات الدستوريه ولماذا

goldenmember غير متواجد حالياً  
قديم 03-17-2018   #3
معلومات العضو

دوشجي

 
دلوعة مصر جيــــد
افتراضي رد: شارك بصوتك نعم أم لا للتعديلات الدستوريه ولماذا

نعم للتعديلات الدستورية
عشان عايزين نحس بالأمان

دلوعة مصر غير متواجد حالياً  
قديم 03-17-2018   #4
معلومات العضو
MaChiNe ThiNkiNg
 
Masker جيــــد
افتراضي رد: شارك بصوتك نعم أم لا للتعديلات الدستوريه ولماذا



انا عايز رئيس جمهوريه جديد ومعاه دستور جديد ولو ع الامان والاستقرار
الامان والاستقرار خلاص راحوا من ساعة ما قتلوا اخواتنا قدام عينينا واحنا قاعدين في اليبت بس عمالين نشارك بالكتابه وبس (اضعف الايمان) مش هكون سلبي بعد كدا ! مش هعيش لنفسي وغيري بيموت عشان البلد

Masker غير متواجد حالياً  
قديم 03-17-2018   #5
معلومات العضو
مدير الموقع
 
sudr_madian جيــــد
افتراضي رد: شارك بصوتك نعم أم لا للتعديلات الدستوريه ولماذا




نعم للتعديلات الدستورية

sudr_madian غير متواجد حالياً  
قديم 03-18-2018   #6
معلومات العضو
وردة المملكة
مسئولة المجلة الفنية
 
spring flower
افتراضي رد: شارك بصوتك نعم أم لا للتعديلات الدستوريه ولماذا

نعم للتعديلات الدستورية

دى خطوة لأجل الاستقرار ووقت اما ييجى رئيس جديد لمصر والبلد تستقر ان شاء الله


يتحط دستور جديد

spring flower غير متواجد حالياً  
قديم 03-18-2018   #7
معلومات العضو
اسكندرانيه
إدارة المملكة
 
بنت النيل
افتراضي رد: شارك بصوتك نعم أم لا للتعديلات الدستوريه ولماذا




نعم للتعديلات الدستورية
واستقرار البلد

بنت النيل غير متواجد حالياً  
قديم 03-18-2018   #8
معلومات العضو
 
MR_Dawsha23 جيــــد
افتراضي رد: شارك بصوتك نعم أم لا للتعديلات الدستوريه ولماذا

MR_Dawsha23 غير متواجد حالياً  
قديم 03-18-2018   #9
معلومات العضو
MaChiNe ThiNkiNg
 
Masker جيــــد
افتراضي رد: شارك بصوتك نعم أم لا للتعديلات الدستوريه ولماذا

إلى كل اللى بيقول نعم انتو عارفين نعم يعني ايه !


انا لو قلت نعم هستى 6 شهور اللى هوه من هنا لغاية انتخابات الرئاسه وهستنى بعديها بـ 2 شهرين عشان انتو كدا كدا بتقولوا هيتعمل دستور جديد نقول نعم دلوقتي وخلاص عشان البلد ما تقعش صح مش انتو بتقولو كدا تمام يبقى كدا عندنا 6 + 2 = 8 شهور تمام وسنه بأه لما يتعمل الدستور الجديد يبقى كدا هيفوت من عمرنا سنه و 8 شهور وبردوا مش هيتغير حاجه !

يعني بدال ما تستغربوا وتقولوا اللجنه اللى قعدت وعدلت المواد ديه بدال ما يستغلوا الوقت اللى عدلوا فيه دا الـ 10 ايام دول كانوا جهزوا لانهم يعملوا دستور جديد يواكب شباب الثوره ويواكب اساليبنا اللى اتغيرت لما فهمنا السيايسه وان ما فيش مصري دلوقتي مابيفهمش سياسه كللنا فهمنى يعني ايه سياسه

يبقى نستنى سنه من دلوقتي ونعيش عيشه صح ونستحمل اليومين دول محنا كنا عايشين من ساعة الثوره لغاية دلوقتي في ضنك وقرف وسرقه واغتصاب وحرق يعني واخدين ع العيشه ديه يبقى نتأنى كدا عشان ربنا يسترها معانا ولو على مواضيع السرقه والاغتصاب وكدا ماهو رئيس الجمهوريه اللى هوا بالتالي رئيس القوات المسلحه قايل عليهم عقوبتهم 7 او 8 سنين والقتل ارتفعت عقوبتهم للاعدام يبقى ليه بأه نحاول نغير تفكيرنا للأسوأ شوفوا حقوا فين وطالبوا بيه حد يقولي هنفضل عايشين بالقوات المسلحه هيا اللى متحكمه فينا هقوله اسال اي واحد في الشارع دلوقتي يقوللك :: الحمدو لله دا انا نفسي الجيش يفضل ماسك الحكم ديه كانت احسن ايامي مع الجيش!::


انا مش بقول اني لا يبقى انا عندي حق , لا فيه ناس كتير غيري واحسن مني في التفكير بتقول نعم , ولو 51 % قالوا لا والباقي قال نعم يبقى اللى قالوا نعم ما يتكلموش ويتقبلوا الوضع كما هوا عليه ويحترموا القرار ::والعكس صحيح :: مش هي ديه الديموقراطيه اللى بتقولوا عليها , انا مش عايز دستور مرقع عاجز مريض كل شويه نطلع فيه ماده بايزه وياعالم ايه اللى مطلعش ومكتمين عليه ! وديه بأه اللى انتوا مش مركزين فيها ان لو عدلنا الدستور دلوقتي وجيه البرادعي زويل عمرو موسى عمرو دياب اي حد يبقى كدا فيه حسني مبارك جديد جه ليه لان السلطات اللى عملها حسني مبارك لما جينا عملنا ثوره تخوف اي حد يعني ممكن اللى جاي لو عملنا ثوره عشان حاجه يقتل فينا بأه ويبعت الدبابات والحصنه والجمال والهبل اللى
كان بيحصل دا



حاجه تانيه انا كنت مش مأيد الثوره واللي عملوا في حسني وكل اللى فيه الموقع عارفين كدا بس لما عرفت الحقيقه غيرت رأييومش عيب اني اغير رأيي لما ابقى غلطان العيب اني افضل على رأيي حتى لو كان غلط ياريت تفهموا الكلمه ديه


المهم اقروا الاسباب اللى مخلياني وغيري متمسكين بدستور جديد




** من بديهيات أى ثورة انها تسقط النظام الحاكم و تسقط معه الدستور القائم و يجب مع أى ثورة صياغة دستور جديد يعبر عن تطلعات و مطالب الشعب التى قامت الثورة من اجلها .. وطالما المجلس الاعلى اعترف بشرعية الثورة و مطالبها .. يبقى الاصح انه بدل ما يعطل العمل بالدستور القديم و يكتفى ببعض التعديلات فقط .. الاصح انه يقوم بتشكيل لجنة لصياغة دستور جديد .. والا يبقى فى تناقض فى موقف المجلس الاعلى لانه بكده يبقى بيعترف بشرعية الدستور القديم و كماااااااااان موافق انه تتم الانتخابات الرئاسية و البرلمانية على اساس هذا الدستور الملىء بالعيوب و الثغرات ( حتى بعد التعديلات) .



** الابقاء على الدستور القديم مع تعديل اجزاء منه والانطلاق منه لانتخابات رئاسية معناه اننا هنعانى من نفس الصلاحيات المطلقة اللى من حق رئيس الجمهورية فى كثير من الامور و التى لم تشملها التعديلات الدستورية .. لان التعديلات الدستورية ركزت فقط على تعديل المواد الخاصة ب .. من يحق له الترشح للرئاسة / مدة الرئاسة/ الطعن على عضويات مجلس الشعب/ طريقة انتخاب الرئيس/ وهكذا ..
لكن التعديلات تجاهلت تمااااااااما باقى الدستور الذى يمنح الرئيس صلاحيات قد يسيىء استخدامها.


** الموافقة على التعديلات بحجة انها مرحلة انتقالية سيتم بعدها تغيير الدستور .. هو سبب مرفوض و غير منطقى ..
اولاً و كما سبق و ذكرت لانه يعتبر اعتراف ضمنى بالدستور القديم رغم عيوبه و ايضا السماح بالاعتماد عليه فى اجراء الانتخابات .. وهو ما يتعارض تماما مع مطالب الثورة

وثانياً ان المادة التى تتناول طلب الرئيس ومجلس الشعب ان يتم تغيير الدستور هى مادة عليها خلاف كبير حتى الان و يرى الكثير ان صيغتها غير واضحة و الفاظها لا يوجد فيها الزام لرئيس الجمهورية بطلب تغيير الدستور .. وبناء عليه اللى مستنيين اننا ننتخب رئيس و بعدين هو يبقى يغير الدستور .. ممكن يقعدوا يستنوا كده كتيرررررررررر لو الرئيس الجديد ماجاتلوش الرغبة انه يغيره او أجل عملية التغيير دى لوقت غير معروف او محدد لأى سبب من الاسباب اللى هيطرحها و ممكن مجلس الشعب يوافقه عليها ..

وعلشان تبقوا عارفين الدستور مفيهوش نص يعاقب الرئيس لو انه ما التزمش بمواد الدستور .. يعنى الرئيس لو خالف مادة من مواد الدستور و ما التزمش بيها .. مفيش فى الدستور القديم ما ينص على معاقبة او محاسبة الرئيس فى أأأأأأأأأأأأأأأأأأى من افعاله و تصرفاته ..!!!!!!!


** الموافقة على التعديلات الدستورية معناااااااااااه انه سيتم الدخول سريعاً فى عملية الانتخاب سواء الرئاسية او البرلمانية .. و هو ما يقلق الكثيررررررررررين نظراً لأنه لا توجد قوى شعبية حقيقية تعبر عن الشعب الان و يمكن الثقة فيها و الاختيار منها من يمثلنا فى المجالس النيابية و غيرها ...

وفى النقطة دى احب اوضح انه زى ما كتير مننا سمع ان من اكتر الاطراف المرحبين بالتعديلات الدستورية و مستعجلين اوى ان الانتخابات تتعمل دلوقتى هم .. الاخوان ... تفتكروا ليييييييييييه يا ولااااااااد ؟؟؟؟ لأنهم عارفين انهم حاليا هم الجهة الوحيدة تقريباً الظاهرة و لها قبول عند نسبة من الشعب و بالتالى اجراء الانتخابات الان و سريعا سيضمن شبه احتكار للخوان للمقاعد الانتخابية ..

طيب .. الاخوان بس اللى هيقدروا يكسبوا كراسى كتير فى المجلس ؟؟؟ لااااااااااااااااا .... ماتنسوش بواقى الحزب الوطنى اللى هيدخلوا الانتخابات دى و باستمااااااااااتة مع تغيير صفتهم الانتخابية .. لانهم عارفين انهم لو استنوا و مادخلوش الانتخابات دى و كسبوها بأأأأأأأأى شكل يبقى خلاص هم كده انتهوااااااااا ..
وماتنسوش يا جماعة ان الترشيح و الدعاية للانتخابات محتاجة فلووووووووووس .. علشان المرشح يعمل دعاية لنفسه و اسمه ينتشر بين الناس .. طيب تفتكروا مين اللى معاه فلوس كتير و مستعد يصرف مئات الالاف علشان يدخل الانتخابات دى و يتشعبط تااااااااانى فى المجلس ؟؟!!!!!!!!!!!!!

طيب .. لو وافقنا على التعديلات و هوووووووووب لقينا تم الاعلان عن فتح باب الترشيح لانتخابات مجلس الشعب مثلاً ...

انتى عارفة هتختارى مين ؟؟؟؟

تعرفى حد غير بتوع الاخوان اللى كانوا بينزلوا فى الدواير بتاعتهم و بتوع الوطنى و الكام واحد بتوع الوفد ..؟؟؟؟

تعرفى حد من شبابنا الجميل اللى ناوى يعمل احزاب جديدة تعبر عننا و يبقوا ممثلين لنا جوا مجلس الشعب ؟؟؟؟

عارفة دول محتاجين وقت أد ايه علشان بعد ما يعملوا حزب يقدروا ينتشروا بين الناس و الناس تعرفهم و تثق فيهم و تقرر انها تختارهم ..؟؟؟
ولا هم يعملوا الثورة و يتعبوا و يضحوا و فجأأأأأأأأأأأة يلاقوا نفسهم مالهمش مكان فى الانتخابات ؟؟؟
أولا علشان لو التعديلات اتوافق عليها مش هيبقى فى وقت لأى حد جديد انه يلحق ينزل بين الناس علشان يعرفوه
ثانياً لان لو الانتخابات بدأت .. اللى معاه فلوس بس هو اللى هيعرف يلعبها صح و يصرف على حملته و يكسب تأييد الناس او حتى يشترى اصواتهم زى ما كان بيحصل قبل كده و ممكن اوووووووووى يحصل برضه تانى لان لسه فى ناس مستعدة تبيع صوتها بفلوس ..
يبقى احنا كده بتسرعنا و استعجالنا ده .. بنضيع نفسنا بنفسنا ...
أولاً لاننا بكده نبقى موافقين اننا ننتخب رئيس و مجلس شعب على اساس الدستور القديم اللى ضيعنا و ضيع البلد و اللى لسه 90% من مواده السيئة لسه زى ما هى بدون اى تعديل .

ثانياً هنبقى كده بنحكم بالاعدام على شباب و افراد جداد مش هيبقى عندهم لا الوقت و لا الفرصة و لا الامكانية انهم يخرجوا للساحة السياسية و يعرفوا نفسهم علشان يمثلونا بعد كده فى مجلس الشعب ..
ويصبح مجلس الشعب .. تركة واتقسمت من تااااااااانى بين الاخوان و بواقى الوطنى و بعض افراد الاحزاب القديمة اللى لم ننتفع منهم بشىء يذكر ...

يبقى بالله عليكم .. عملنا ايه بقى بعد كل ده .. لما فى الاخر يبقى هو ده منظر مجلس الشعب اللى احنا عايزينه يبقى معبر عنا فعلا ومش زى قبل كده ...

يبقى كل الاسباب دى و غيرها كمان علشان لو حد عنده اضافة غيرها ... كلها بتصب فى اتجاه واحد .. و هو ...

انه الانسب و الافضل و الاصح ان نسارع من البداية بالاعلان عن صياغة دستور جديد .. يلغى تماما الدستور القديم اللى كان قائم على خدمة اشخاص مش خدمة بلد .. ونستغل الوقت اللى احنا بنضيعه ده فى تعديلات شكلية و ترقيع فى اننا نعمل دستور يقيد سلطات الرئيس و صلاحياته دستور يكون فيه مواد صريحة و واضحة تنص على ضرورة محاسبة الرئيس او اى من الوزراء فى حال ارتكابهم أخطاء تضر بالوطن و مصالحه .

دستور .. يبقى هو الاساس اللى ننتخب عليه الرئيس الجديد ... مش ننتخب رئيس ممكن يقعد يحكمنا 8 سنين .. مستخدمين الدستور القديم و نقدمله على طبق من دهب .. صلاحيات مطلقة و اعفاء من أى محاسبة و عدم الزام بتنفيذ أى من مواد الدستور ...

كما انه من الاقضل انه يتم وضع دستور جديد الان فى غياب رئيس للبلد .. لان ده هيضمن ان اللجنة اللى هتقوم بكده .. هتقوم بوضع الدستور الجديد ابتغاءاً للمصلحة العامة للوطن و بعيداً عن أى حرج أو مجاملة أو انحياز أو التفاف أو ضغوط قد تحدث فى حالة لو اننا استنينا لما الموضوع ده يتعمل بعد انتخاب الرئيس و تقوم به لجنة يختارها هو برررررررضه ..!!!!!



أما نقط الخلاف اللى بيتم نشرها حاليا بين الناس علشان تبقى عوامل قلق للناس و تخليهم يوافقوا على التعديلات من غير مايستوضحوا الامور فعلا و يعرفوا تأثير ده إيه ...

أولا ان الناس بتقول لننا لو انتظرنا الدستور الجديد يبقى المرحلة الانتقالية هتطول و هيستمر المجلس العسكرى فى الحكم ... و دى ردها ان كل القوى الشعبية بتطالب و من بداية الثورة بمجلس رئاسى من قائد عسكرى و اتنين مدنيين ثقة و يبقى الحكم بينهم هم التلاتة و الامر شورى بينهم فيما يخص شئون البلد لحين الانتهاء من تجديد الدستور و بدأ الانتخابات ..

و ثانياً .. ان الناس قلقانة ان الدستور الجديد يحتاج وقت طويل قد يصل لسنتين او حتى سنة لحين الانتهاء من صياغته .. و دى كمان اترد عليها من فقهاء القانون و الدستور و قالوا انه لما تكون لجنة من 50 شخص من اهل الخبرة .. يبقى مش هيحتاجوا اكتر من شهور اقل من اصابع اليد الواحدة حتى يخرجوا بدستور جديد يتناسب مع متطلبات العصر و يراعى كل طموحات الشعب و تطلعه لدولة مدنية و حياة ديمقراطية بمعنى الكلمة يكون للشعب فيها الدور الاكبر فى صنع القرار ...



دى يا جماعة تقريباً كل الافكار و الاراء اللى لو فكرنا فيها شوية هنلاقى اننا فعلا هنبقى كسبانين لو صبرنا كمان شهر و لا اتنين فى سبيل انه يبقى عندنا دستور جديد ..

دستور صالح لادارة شئون بلد تسعى للتقدم و التحضر .. مش دستور بيركز على ارادة و رغبات فرد واحد على حساب ارادة و رغبات شعب بأكمله ..


اتمنى اللى يقرأ كلامى ده و يفهمه و يقتنع بيه أو حتى بأجزاء منه ... اتمنى انه يشارك بإيجابية يوم السبت 19 مارس و يرفض التعديلات المحدودة للدستور المعيب الموجود ده ..
و يبقى ساعد بصوته فى التأكيد على رغبة الكثيرين مننا اننا عايزين نبدأها صح .. يعنى طالما عايزين ننتخب صح و نختار رئيس جمهورية صح .. يبقى من الاولى ان الدستور اللى هننتخبه على اساسه يكون الاول صح ..
ماينفعش نحط العربية ادام الحصان و نقوله امشى ...

لااااااااازم الاول تبقى الارضية سليمة و مبنية على نضافة علشان نضمن حقنا فى اللى جاى ... و نختار اللى يحكمنا صح ... و نختار اللى هيتكلموا بصوتنا فى المجلس صح ..

بلاش نعمل خلاف العرف و السائد و نمشى لادام بضهرنا .. لازم نمشى بوشنا و نبقى محددين اهدافنا و مطالبنا و مانتنازلش عنها دلوقتى و لا نأجلها ...
لأن المفروض الانسان الواعى مايسيبش حقه طالما مش غلط و ما يأجلش حقه اللى ممكن ياخده دلوقتى ... لوقت تانى بعيد مايضمنش هيحصل فيه ايه و هياخد حقه ساعتها بنفس الشكل اللى ممكن ياخده دلوقتى و لا لأ ...


اخر كلامي :: خلونا صح ولو مره واحده
ونهاية الكلام لا يخلو اي عمل من الأخطاء
(إن أحسنت فمن الله، وإن أسأت أو أخطأت فمن نفسي والشيطان)
Masker غير متواجد حالياً  
قديم 03-19-2018   #10
معلومات العضو
اسكندرانيه
إدارة المملكة
 
بنت النيل
افتراضي رد: شارك بصوتك نعم أم لا للتعديلات الدستوريه ولماذا



بنت النيل غير متواجد حالياً  
قديم 03-19-2018   #11
معلومات العضو
عضو شرف
مشرف القسم الإسلامي سابقا
 
goldenmember جيــــد
افتراضي رد: شارك بصوتك نعم أم لا للتعديلات الدستوريه ولماذا


goldenmember غير متواجد حالياً  
قديم 03-20-2018   #12
معلومات العضو

دوشجي

 
abinary choice جيــــد
افتراضي رد: شارك بصوتك نعم أم لا للتعديلات الدستوريه ولماذا






عايزين دستور جديد
دم الشهداء مش هيروح هباء
خلاص اضحك علينا بما فيه الكفايه
مش ناقصين
واذا كان ع الامان
ف دلوقتي احنا ف امان ع الاول
abinary choice غير متواجد حالياً  

Powered by vBulletin™ Version 3.8.7
Copyright © 2020 vBulletin Solutions, Inc. All rights reserved.
Content Relevant URLs by vBSEO 3.6.1 منتديات