تسجيل الدخول


العودة   منتدى مملكة الدوشجية > منتدي الإدارة > المواضيع المكررة

المواضيع المكررة المواضيع المتشابه

نقاش لتقريب وجهة النظر

نقآش لتقريب وجهة النظر طبعآ في الفترة الأخيره وضح وضوح الشمس اختلاف كبير في وجهآت النظر بين الجميع في الاداره

 
 
  #1  
قديم 01-12-2018
الصورة الرمزية MR_Dawsha23
رقم العضوية : 1
تاريخ التسجيل : Sep 2005
مجموع المشاركات : 28,311
MR_Dawsha23 غير متواجد حالياً

MR_Dawsha23 جيــــد


 

نقآش لتقريب وجهة النظر نقاش لتقريب وجهة النظر

طبعآ في الفترة الأخيره وضح وضوح الشمس اختلاف كبير في وجهآت النظر بين الجميع في الاداره وده تأثيره واضح جداا على المنتدى

لأنه لما كلنا نكون ايد واحده بنكون أقوى ولأن الموضوع يمس البلد فالخلاف دخل فيه بعض الحساسيه

والموضوع ده عشان نتناقش ونقرب وجهة النظر لبعض

نخش في الموضوع

نفتكر ثورة يناير المجيده اللي قامت والناس كان كتير ضدها ولما نجحت الشعب المصري كله بقى بيهلل بيها وبيقولك الثوره واحنا اللي عملنا الثوره

ليه عملنا الثوره ؟
عشان يبقى عندنا كرآمه يعني اي مواطن مصري ما ينفعش تتهان كرامته بعد كده مهما كان وده ما اتحققش

ليه عملنا الثوره ؟
عشان الفاسدين كلهم يتحاكموا ولغاية دلوقتي سوزان مبارك بره السجن والظباط اللي قتلوا الشهداء بيشتغلوا في الداخليه والافضح المذيعين اللي في التلفزيون المصري اللي كانوا ضد الثوره لغاية دلوقتي شغالين في التلفزيون المصري

بعد الثوره سقط كام شهيد وكام مواطن اتهان كرامته وكام سجين مات في السجن من التعذيب !!

بعد عام من الثوره نجد كل القيادات الثوريه تحاكم كأمثال مظهر شاهين ونواره نجم وطارق الخولي وايمن نور ويسبقهم علاء عبد الفتاح !

بعد عام من الثوره تم تبرئة ظباط قسم السيده زينب في قضية قتل الثوار واتهم الشهداء انهم بلطجيه وهم من تعدوا على الظباط !

وكل ده ومافيش محاسبه والحاكم دلوقتي هو المجلس العسكري

اليس من حقنا ان نطالب بمحاكمة المجلس العسكري لفشله كحاكم للبلاد وسقوط الكثير من الشهداء تحت قيادته وعلى يد عساكره .

ما الفائده من مجلس الشورى لماذا لا نعلن عن فتح باب الترشيح في 25 يناير والاعلان عن النتيجه يوم 12 فبرآير


انا وضحت فكرتي واتمنى الناس توضح فكرتها

 

 

 

 

ننصحك بمشاهدة المواضيع التالية ايضا

خصائص النظام المادي الجديدة
تمت اعادة فتح نظام الربح المادي لجميع الأعضاء بناءا على مشاركاتهم
وظائف متاحة للعمل من خلال المنزل في موقع
تجريبي خاص بالادارة
التقرير الشهري للأعضاء اللي هينضموا لعضوية الربح المادي
اجتماع يوم الجمعة 10 ابريل لشرح الانضمام لنظام الربح المادي
تفعيل عضوية ( مشترك في نظام الأرباح ) تعرف على قوانين الإشتراك بهاا
تم ايقاف عدد من الاعضاء نظرا لمشاركتهم في مخالفة قوانين المنتدى



 
التوقيع : MR_Dawsha23
قديم 01-12-2018   #2
معلومات العضو
عضو شرف
مشرف القسم الإسلامي سابقا
 
goldenmember جيــــد
افتراضي رد: نقاش لتقريب وجهة النظر



يارب يكون نقاش مثمر ان شاء الله

دي مشاركة مني كدة عشان نتري المودوع

goldenmember غير متواجد حالياً  
قديم 01-12-2018   #3
معلومات العضو
نور المملكة
إدارة المملكة
 
أسيرة المملكه
افتراضي رد: نقاش لتقريب وجهة النظر



اولا وبعيد عن كل الشعارات الرنانه العنوان هدفه نبييل
فاحييك عليه ياا دوشة ,,
ثانيا اختلاف الاراء شيء مميز وناتجه افضل عملا بالمثل ::
لولا تعددت الأذواق لبارت السلع,,

ده بنسبة لتعدد الاراء واختلافها :: بس اللي احنا فيه دلوقتي
موش عدم تجمعنا علي رأي واحد او اختلافتنا الواضحه اتجاة
الجيش والثورة والثوار والناس اللي في التحرير
المشكلة في عدم بصيرتنا لفهم الموضوع
المشكله يااسادة يااكرام ان اغلبكم
موش حابب يفهم ولا يحاول يستوعب اللي بيحصل
اتجاة الشعب من قبل اداه المجلس العسكري
او الحكومة المتواطئه معه
** ارجع وأأكد الاختلاف شيء جميييل
بس البصيرة اجمل بكتييير
ياريت نحاول نشوف البعيد ونحكم من القديم
اسباب الوضع الحالي اللي ماازلنا فيه وبنعيشه
واثارة لسه موجودة



















أسيرة المملكه غير متواجد حالياً  
قديم 01-12-2018   #4
معلومات العضو
 
MR_Dawsha23 جيــــد
افتراضي رد: نقاش لتقريب وجهة النظر

مستنين الجميع يا جماعه الموضوع في الاداره ما ينفعش حد يتجآهله

لأنه تجاهل الموضوع هيأكد انه فيه حساسيات وان الناس مش عايزه اصلا تفكر مع بعضها ولا عايزه تفهم بعض

انا كنت ممكن اضيف الموضوع في العام

MR_Dawsha23 غير متواجد حالياً  
قديم 01-12-2018   #5
معلومات العضو
مدير الموقع
 
sudr_madian جيــــد
افتراضي رد: نقاش لتقريب وجهة النظر

والله يامحمد انا دخلت00 لان الموضوع اسمه

نقاش لتقريب وجهات النظر

ملاحظة مهمة000

ما فيش حد مختلف فى مصر نهاائى على ثورة 25 يناير

انما كيف دارت بعد كدة او الاسلوب هى دى المشكله

الكل بلا اى استثناء شارك فى غلط ما سواء بفعل او بقول او بفكر او اشاعة000 الخ0 وبكرر الكل





عشان الفاسدين كلهم يتحاكموا

اعتقد ان معظمهم بالسجن وبيتحاكموة

ولغاية دلوقتي سوزان مبارك بره السجن

يعنى المطلوب اجيب اى حاجة والفق لها حاجة الا اذا كان فيه يستدعى انها تدخل السجن

ع فكرة انا مش بدافع عنها 00 دى بنت كلب زى جوزها

والظباط اللي قتلوا الشهداء بيشتغلوا في الداخليه
كله كلام النت وبتردد وبس 00
احنا اصلنا بقينا نفهم فى كل حاجه
وبرضة الله اعلم

والافضح المذيعين اللي في التلفزيون المصري اللي كانوا ضد الثوره لغاية دلوقتي شغالين في التلفزيون المصري

طب ماهو نفس القصة فى القنوات الخاصة اللى بتتفرج عليها كانوة بالتلفزيون المصرى وكانوة من ضمن المصفقين للنظام القديم ودلوقتى بتقول عليهم ناس مية مية


بعد الثوره سقط كام شهيد وكام مواطن اتهان كرامته وكام سجين مات في السجن من التعذيب

اولا الله يرحم جميع شهداء مصر ويجعل مثواهم الجنه

اما بالنسبة لكام سجين مات وكام واحد اتعذب00 كله كلام ع النت وع القنوات هو حد دافع حاجة وبنردد ونضيف عليه ما قدرش اقول حاجة الا اذا شوفت بعينى 000 مش اسمع واكرر واضيف

طب ماهو اول ماخرج اخونا وائل من السجن شهد بالفيديو انه لم يتعرض لاى تعذيب واتعامل معامله حسنه
مع منى الشاذلى اول ماخرج00

لان الكل بيصفى حسابات شخصية مع كله للاسف

بعد عام من الثوره نجد كل القيادات الثوريه تحاكم كأمثال مظهر شاهين ونواره نجم وطارق الخولي وايمن نور ويسبقهم علاء عبد الفتاح


طب ما تشوف الاول دول عملوة ايه ( حتى الفيديو اللى نوور كانت حاطة ع جامع عمر مكرم00 قلت يمكن رغم ان الفيديو واضح جدا ان واحد فوق بيتبول على الجامع من فوق + اطباء من مستشفى الميدان ماسكين ناس بيضربوة فيهم وبيعذبهم فوق سطح الجامع

وفيديو البنت المسحوله 00 طب ما تحطش الفيديو اللى نزل لها من اوله و6 شباب هما اللى وقعوها واتفتح اللى كانت لابسها ورجع الواد اللى كان معها اللى لابس كوتشى عشان يعريها 000 ؟؟؟؟؟؟؟يعنى دة مثال بس000

والاخت نوارة نجم 00 لما تشتم شيوخ كبيرة وتقول دة شيخ كبير وخرف 00 هههههههه
وووو وطبعا عارفين قصتها وقصه ابوها بس بقم ابطال بين يوم وليله

المهم انا مش ادخل كل واحد عمل ايه000 دع الخلق للخالق

عام من الثوره تم تبرئة ظباط قسم السيده زينب في قضية قتل الثوار واتهم الشهداء انهم بلطجيه وهم من تعدوا على الظباط

لازم نعرف نفرق بين شهداء وبين ناس دخلت وهجمت ع الاقسام000 المهم ما علينا

اعتقد ان فيه قانون واللى يغلط يتعاقب لو فيه دليل على اى حد مهما ان كان يتعاقب00 ايه المشكله
انما لو كل واحد مش عاجبة اصدار حكم00 حتبقى غابة ولا ايه


اليس من حقنا ان نطالب بمحاكمة المجلس العسكري لفشله كحاكم للبلاد وسقوط الكثير من الشهداء تحت قيادته وعلى يد عساكره .

والله لو عاوز تحاكم حاكم الكل بلا اى استثناء من شرطة الى عسكر الى اعلامى لقضاء لاى اى شخص غلط فى حد حتى لو على منتدى او قناة او مدرسة او مصنع 0000 الخ سواء بفعل او قول او تحريض او بلبه او اشاعه او قبض فلووووووس


للاسف الكل غلطان انا وانت والكل

وللاسف محدش عاوز يتسامح ولا يسمع ولا يتقبل الراى الاخر


ما الفائده من مجلس الشورى لماذا لا نعلن عن فتح باب الترشيح في 25 يناير والاعلان عن النتيجه يوم 12 فبرآير


انا مقتنع بدة تمام لانه ملهوش فايدة بس اللى اعرفة المجلس العسكرى ترك القصة دى للمجلس الاستشارى
وهما اللى عاوزين مجلس شورى00 بس انا مقدرش افتى لانى مش قانونى

لأنه تجاهل الموضوع هيأكد انه فيه حساسيات وان الناس مش عايزه اصلا تفكر مع بعضها ولا عايزه تفهم بعض

العملية مش شخصية يااخ محمد عشان الحساسية

كل واحد حر فى رايه وتفكيرة يمكن انا غلطان او العكس وانت كذلك او اى حد

بس اعتقد ان قسم الاخبار عندنا تحول الى راى واحد فقط ولا يعرض الراى الاخر

بدور على اللى يسئ لجه معينه فقط حتى لو الجهه دى لو فيه خبر حلو ما بيتقلش


يبقى الحساسية جت من هنا00 عرض الخبر من راى واحد فقط

وع فكرة انا برد على نوور عشان بس مجهوودها بالقسم

انا رديت بس عشان خاطرك ياازعيم لان الموضوع بالادارة
واتحسبت خلاص ليا ع الدخله

ههههههههه

ربنا يسترها مع مصر يامحمد




sudr_madian غير متواجد حالياً  
قديم 01-12-2018   #6
معلومات العضو
نور المملكة
إدارة المملكة
 
أسيرة المملكه
افتراضي رد: نقاش لتقريب وجهة النظر






بس اعتقد ان قسم الاخبار عندنا تحول الى راى واحد فقط ولا يعرض الراى الاخر

بدور على اللى يسئ لجه معينه فقط حتى لو الجهه دى لو فيه خبر حلو ما بيتقلش



وع فكرة انا برد على نوور عشان بس مجهوودها بالقسم





لالالالالالالالالالالالالالا
دي اهانه كبيييييييرة لا تغتفر ياباشا
لا عن جد ياازعيم وقول الحق في كدا القتره اللي بتواجد فيها
بنزل كل الاخبار في شتي المحتويات والرؤي
وميحصلش مني اني اميل عاطفيا في نقل خبر
واكيد عارف اسلوبي ::

تاني حاجه بئه حضرتك موش بترد عليا غير تقديرا لمجهودي
في دي كتر الف خيرك ياازعيم

بسي كدا
بكرا بأذن الله اكمل


أسيرة المملكه غير متواجد حالياً  
قديم 01-12-2018   #7
معلومات العضو
اسكندرانيه
إدارة المملكة
 
بنت النيل
افتراضي رد: نقاش لتقريب وجهة النظر

انا كمان دخلت لما قريت العنوان
وده حيشجعنى اقول راى بكل صراحه
وياريت ماحدش يزعل
انا حتكلم فى موضوع واحد وهو العسكرى
انا مع عماد فى كل اللى قاله
الا موضوع الرد فى الاخبار والمجتمع
انا مش برد منعا للمشاكل لانى ماقدرش اشوف كلام مش عجبنى ومش حتناقش
لان بصراحه ومن غير زعل
مش بينزل فى الاخبار والمجتمع الا كل مايشوه المجلس العسكرى
ويثير غضب الناس والشعب عليهم من فيديوهات وبرامج وصور
حتى لو كانت حقيقيه بس مستفزه
انا مش مع حكم العسكر وبتمنى يجى رئيس مدنى
لكن اللى يصعب عليا ان العسكر دول جيشنا
جيش مصر اللى حمانا وبيحمينا
ابويا واخويا وجارى وصديقى
مش حنكر ان لهم تجاوزات لكن ايه السبب ؟؟
يعنى لما عسكرى غلبان مالوش اى ذنب غير ان حظه الوحش خلاه مجند فى الايام دى
تيجى بنت او ولد ويضربوه بالطوب ويشتموه لمجرد انه عسكرى
طيب ازاى مايردش ؟؟؟ ده عسكرى لا حد دربه على ظبط النفس ولا دخل كليه حربيه
والاخر نقول العساكر بتضرب
طيب ماهو بيضرب لانه بيستفز ليه ناسين انه اخونا ومش زنبه انه مجند
طيب ليه زى مابنزل المواضيع اللى ضد العسكر
ليه مش بنزل الفيديوهات اللى بيضربوا العساكر فيها بالطوب
ليه مش بنجيب مواضيع فيها عدد الشهداء من العساكر والظباط
ولا هما مش شهداء برضوا ؟؟
ليه مش بتجيب اراء الخبراء اللى بيتكلموا عن ان الاقتصاد فى البلد وقع بسبب المظاهرات والاعتصامات الخ
ليه مش بنجيب شتيمه نواره نجم للشيوخ الافاضل بالفيديو حتى لو احنا مش مع ارائهم
ليه بس نجيبها وهى رايحه تتحاكم ولا بقى ساهل علينا نسمع الكبار بيتهانوا ونسكت كان مفيش حاجه

بص يامحمد لو انت عاوز فعلا تقرب وجات النظر
سيب كل واحد يكتب اللى عاوزه
سواء بقا مع رايك او ضده المهم يكتب بادب ومن غير مايتعدى او يسئ للاخرين
وقتها اكيد نقدر نقول ان الثوره نجحت وقدر كل انسان يكون حر فى رايه حتى لو فى المنتدى


ميرسى دوشه لانك فكرت فى الموضوع
وفعلا كنت محتاجه اقول الكلام ده
تحياتى للجميع

بنت النيل غير متواجد حالياً  
قديم 01-12-2018   #8
معلومات العضو
 
MR_Dawsha23 جيــــد
افتراضي رد: نقاش لتقريب وجهة النظر

طيب انا هضيف المشاركه دي عشان نقطه واحده والنقطه الجايه هرد على الجميع

اول حاجه يا جماعه الموضوع ده عشان تقريب وجهة النظر يعني لازم كلنا نفتح افآقنا وندور ونحاول نقنع نفسنا باللي بنقوله

يا جماعة لازم ندور على الحقيقة والنت خير وسيلة للمعرفة عشان نرضي كبرياء عقولنآ

لازم نحاول نشوف كل حاجه تتحط وندور في اكتر من مصدر لأن اسوأ شئ ان تكون الحقيقة امام اعيننا ولا نرآها

عشان لو كل واحد فضل مصمم على رأيه 100 % دون انه يفكر انه يدور على الرأي الآخر صح او غلط

اعتقد ده بدآيه لفشل الموضوع

MR_Dawsha23 غير متواجد حالياً  
قديم 01-12-2018   #9
معلومات العضو
 
MR_Dawsha23 جيــــد
افتراضي رد: نقاش لتقريب وجهة النظر


المشاركة الأصلية كتبت بواسطة sudr_madian مشاهدة المشاركة
والله يامحمد انا دخلت00 لان الموضوع اسمه


نقاش لتقريب وجهات النظر

ملاحظة مهمة000

ما فيش حد مختلف فى مصر نهاائى على ثورة 25 يناير

انما كيف دارت بعد كدة او الاسلوب هى دى المشكله

الكل بلا اى استثناء شارك فى غلط ما سواء بفعل او بقول او بفكر او اشاعة000 الخ0 وبكرر الكل




تمام بس يا عمدة برضه لازم نتفق ان تنازلنا عن مبآدئ الثوره يعتبر اختلاف عليها .



المشاركة الأصلية كتبت بواسطة sudr_madian مشاهدة المشاركة

عشان الفاسدين كلهم يتحاكموا

اعتقد ان معظمهم بالسجن وبيتحاكموة

ولغاية دلوقتي سوزان مبارك بره السجن

يعنى المطلوب اجيب اى حاجة والفق لها حاجة الا اذا كان فيه يستدعى انها تدخل السجن


ع فكرة انا مش بدافع عنها 00 دى بنت كلب زى جوزها

يا عمده يعني بعد كل ده سوزآن مبارك محتاجه حد يلفقلهآ كل السرقآت وانها اشترت قصر عآبدين ملك وترآث البلد لحسابها الشخصي وكل مراكز سوزان مبارك اللي طلعت كلها فساد لسه هندورلهآ على تلفيق !!

المشاركة الأصلية كتبت بواسطة sudr_madian مشاهدة المشاركة

والظباط اللي قتلوا الشهداء بيشتغلوا في الداخليه
كله كلام النت وبتردد وبس 00
احنا اصلنا بقينا نفهم فى كل حاجه
وبرضة الله اعلم


يا باشا وزارة الداخلية انت شآيف اختفائهم لمدة 10 شهور في عهد العيسوي ده ما يعتبرش فساد . ايه رأيك لما يطلع اللواء منصور العيسوي طلع قال ايام محمد محمود انا كنت في البيت وما ادتش اوامر بالضرب !!



الفيديو ده لمنصور العيسوي قبل ما يمسك الوزاره طلع قال مستحيل يحصل ضرب نار بدون علم رئيس الجمهوريه يبقى ضرب النار اللي حصل في محمد محمود كل السلطات كانت عارفه عنه وده يعتبر فساد

"قال اللواء منصور العيسوي الخبير الأمني ومساعد وزير الداخلية الأسبق أن سلطات وزير الداخلية لا تسمح له بإصدار أوامر بإطلاق النار على المتظاهرين إلا بعلم القائد الأعلى للشرطة وهو الرئيس .. وأن أي عنصر من عناصر الشرطة لا يستطيع إطلاق النار إلا بأمر من قيادته مع تدرج القيادة حتى تصل إلى رئيس "


المشاركة الأصلية كتبت بواسطة sudr_madian مشاهدة المشاركة

والافضح المذيعين اللي في التلفزيون المصري اللي كانوا ضد الثوره لغاية دلوقتي شغالين في التلفزيون المصري

طب ماهو نفس القصة فى القنوات الخاصة اللى بتتفرج عليها كانوة بالتلفزيون المصرى وكانوة من ضمن المصفقين للنظام القديم ودلوقتى بتقول عليهم ناس مية مية

طيب ده مش فسآد وانت بتقول كلنا بنحترم الثوره ولا نختلف عليها يبقى مين اللي يتحآسب وزير الاعلام السابق والحآلي ولا ايه رأيك؟

المشاركة الأصلية كتبت بواسطة sudr_madian مشاهدة المشاركة

بعد الثوره سقط كام شهيد وكام مواطن اتهان كرامته وكام سجين مات في السجن من التعذيب

اولا الله يرحم جميع شهداء مصر ويجعل مثواهم الجنه

اما بالنسبة لكام سجين مات وكام واحد اتعذب00 كله كلام ع النت وع القنوات هو حد دافع حاجة وبنردد ونضيف عليه ما قدرش اقول حاجة الا اذا شوفت بعينى 000 مش اسمع واكرر واضيف

يعني اول حاجه انت مش مقتنع بالفيديوهآت اللي شفنآها دي يا عمدة الميديا دلوقتي هيا وسيلة معترف بيها بتوصلك الحقيقه لو كل واحد لازم يشوف بعينه يبقى انت اصلا المفروض تقول مافيش ثورة لأنك ما نزلتش التحرير وقتهآ ولا شفت حاجه وناس كتير كده وانا برضه لازم اقول ما فيش حاجه اسمها خالد سعيد لأني ما شفتوش وهو بينضرب وبيتعذب بعيني
طيب ايه رأيك في الخبر ده
ظˆظپط§ط© ظ…طھظ‡ظ… ظپظٹ ط£ط*ط¯ط§ط« ظ…ط¬ظ„ط³ ط§ظ„ظˆط²ط±ط§ط، ط£ط«ظ†ط§ط، ط§ظ„طھط*ظ‚ظٹظ‚ ظ…ط¹ظ‡ ظپظٹ ظ…ط*ظƒظ…ط© ط²ظٹظ†ظ‡ظ… - ط¨ظˆط§ط¨ط© ط§ظ„ط£ظ‡ط±ط§ظ…
علمت "بوابة الأهرام" أن محمد محيي حسين (30 سنة)، وهو أحد المتهمين في أحداث مجلس الوزراء، وافته المنيه أثناء احتجازه في حجز محكمة زينهم للتحقيق معه في التهم المنسوبة إليه، وفي سرية تامة قررت النيابة إحالته إلي المشرحة لبيان سبب الوفاة.


المشاركة الأصلية كتبت بواسطة sudr_madian مشاهدة المشاركة
طب ماهو اول ماخرج اخونا وائل من السجن شهد بالفيديو انه لم يتعرض لاى تعذيب واتعامل معامله حسنه
مع منى الشاذلى اول ماخرج00

لان الكل بيصفى حسابات شخصية مع كله للاسف

طيب يا باشا ماهو انت من شويه قايل انك ما شفتش بعينك الموهم ما علينآ
هو ما حدش قدر يكلمه عشان كان شخصيه عامه زي علاء عبد الفتاح شخصية عامه
في الوجه الآخر
عبودة عشان مش شخصية عامه اتطحن والاخت هند






المشاركة الأصلية كتبت بواسطة sudr_madian مشاهدة المشاركة
بعد عام من الثوره نجد كل القيادات الثوريه تحاكم كأمثال مظهر شاهين ونواره نجم وطارق الخولي وايمن نور ويسبقهم علاء عبد الفتاح

طب ما تشوف الاول دول عملوة ايه ( حتى الفيديو اللى نوور كانت حاطة ع جامع عمر مكرم00 قلت يمكن رغم ان الفيديو واضح جدا ان واحد فوق بيتبول على الجامع من فوق + اطباء من مستشفى الميدان ماسكين ناس بيضربوة فيهم وبيعذبهم فوق سطح الجامع

يا سيدي الفاضل الفيديو كان ادانة لإنتهاكات العسكري لأنه اقتحموا الجامع وعذبوآ وحرقوا المستشفى الميداني اللي امام الجامع وفيه حادثه شهيره دخول العساكر الجامع بالبيادات وانا كنت موجود ساعتها وكان هتاف شيخ الجامع ساعتها يا جماعه دا دور عباده يا جماعه الجامع دا لله .
والفيديو ده بيوضح هجوم الجيش على الجامع والتعدي على الأطباء



المشاركة الأصلية كتبت بواسطة sudr_madian مشاهدة المشاركة
وفيديو البنت المسحوله 00 طب ما تحطش الفيديو اللى نزل لها من اوله و6 شباب هما اللى وقعوها واتفتح اللى كانت لابسها ورجع الواد اللى كان معها اللى لابس كوتشى عشان يعريها 000 ؟؟؟؟؟؟؟يعنى دة مثال بس000

يا عمده حرام عليك يا راجل انت شفت فيديو تاني اتمنى تشوف الفيديو كويس

اول حاجه اللي كان معاها 3 شباب تقريبا انت ما شفتش اشهر فيديو في الاحداث الاخيره ودا يعتبر تجاهل لرؤية الحقيقة
اتمنى تشوف الفيديو وهو واضح وضوح الشمس البنت كان معاها 3 شباب البنت اتزانها اختل حاولت الجيش قرب منهم اتنين جريوا وواحد حاول يشدها واطحن هو وهيا ويا راجل يعني انت عايز تقنعني انها قاصده كده فيه حد بيروح للموت بنفسه يا عمده فيه حد بيروح عشان ياخد 20 غرزه في دماغه !!!
ارجوك يا عمده شوف الفيديو احنا دايما بنقول عليك كبيرنا مقاما وثقافة وانت كده بالفعل

المشاركة الأصلية كتبت بواسطة sudr_madian مشاهدة المشاركة
والاخت نوارة نجم 00 لما تشتم شيوخ كبيرة وتقول دة شيخ كبير وخرف 00 هههههههه
وووو وطبعا عارفين قصتها وقصه ابوها بس بقم ابطال بين يوم وليله

المهم انا مش ادخل كل واحد عمل ايه000 دع الخلق للخالق

اولا يا عمده دا يعتبر خلط للأمور انا بتكلم على التحقيق معاها في احدآث مجلس الوزاء ايه دخلها بالشيوخ مشكلتها مع الشيخ حسآن دي حاجه شخصيه ومش اهانه ليها على فكره لأن الشيوخ مش منزلين من السماء يجوز يخطئوا وكلنا خطائين وخلافها كان واضح انه بكى على السلاب لما مات على الهوا ولم يذرف دمعه على الشهداء في احداث مجلس الوزراء ومحمد محمود


المشاركة الأصلية كتبت بواسطة sudr_madian مشاهدة المشاركة
عام من الثوره تم تبرئة ظباط قسم السيده زينب في قضية قتل الثوار واتهم الشهداء انهم بلطجيه وهم من تعدوا على الظباط

لازم نعرف نفرق بين شهداء وبين ناس دخلت وهجمت ع الاقسام000 المهم ما علينا
اعتقد ان فيه قانون واللى يغلط يتعاقب لو فيه دليل على اى حد مهما ان كان يتعاقب00 ايه المشكله
انما لو كل واحد مش عاجبة اصدار حكم00 حتبقى غابة ولا ايه

يا راجل ماهو الدفاع اثبت ان كل الشهداء طلاب جامعات وكلهم انضربوا بالرصاص وهم خارج القسم انضربوا من فوق السطح !
يا باشا مافيش قانون والدليل على كده كل القناصة بتوع يناير ما حدش فيهم اتحاسب الدليل على كده العساكر اللي اتعدوا على البنت المسحوله وعلى عزة بالهمجيه دي برضه احرار
يا باشا القانون لا يطبق الا على الثوار للأسف
وبخصوص الغابه احنا فعلا في غابه لما اشوف 10 مسلحين بيضربوا بنت معذولة السلاح بالشكل الوحشي ده يبقى احنا في غابه واللي ضربوها دول خنازير لأنهم اوسخ حيوانات الغابه

المشاركة الأصلية كتبت بواسطة sudr_madian مشاهدة المشاركة
اليس من حقنا ان نطالب بمحاكمة المجلس العسكري لفشله كحاكم للبلاد وسقوط الكثير من الشهداء تحت قيادته وعلى يد عساكره .

والله لو عاوز تحاكم حاكم الكل بلا اى استثناء من شرطة الى عسكر الى اعلامى لقضاء لاى اى شخص غلط فى حد حتى لو على منتدى او قناة او مدرسة او مصنع 0000 الخ سواء بفعل او قول او تحريض او بلبه او اشاعه او قبض فلووووووس

للاسف الكل غلطان انا وانت والكل

وللاسف محدش عاوز يتسامح ولا يسمع ولا يتقبل الراى الاخر

لا يا عمده احنا تابعين كلنا
لما تحاسب لازم تحاسب رؤوس الفساد لو رؤوس الفساد اتحاكمت كلها
ما كانش ده الوضع اللي احنا فيه .



المشاركة الأصلية كتبت بواسطة sudr_madian مشاهدة المشاركة
ما الفائده من مجلس الشورى لماذا لا نعلن عن فتح باب الترشيح في 25 يناير والاعلان عن النتيجه يوم 12 فبرآير


انا مقتنع بدة تمام لانه ملهوش فايدة بس اللى اعرفة المجلس العسكرى ترك القصة دى للمجلس الاستشارى
وهما اللى عاوزين مجلس شورى00 بس انا مقدرش افتى لانى مش قانونى

لأنه تجاهل الموضوع هيأكد انه فيه حساسيات وان الناس مش عايزه اصلا تفكر مع بعضها ولا عايزه تفهم بعض

العملية مش شخصية يااخ محمد عشان الحساسية

يا حج دا كلام دا انت كبيرنا
مين اللي جاب المجلس الاستشاري
المجلس الاستشاري قالك ايه مش هو اللي قال ان المجلس العسكري ما عملش اي انتهاكات عشان ندورله على خروج آمن

المشاركة الأصلية كتبت بواسطة sudr_madian مشاهدة المشاركة
كل واحد حر فى رايه وتفكيرة يمكن انا غلطان او العكس وانت كذلك او اى حد

بس اعتقد ان قسم الاخبار عندنا تحول الى راى واحد فقط ولا يعرض الراى الاخر

بدور على اللى يسئ لجه معينه فقط حتى لو الجهه دى لو فيه خبر حلو ما بيتقلش


يبقى الحساسية جت من هنا00 عرض الخبر من راى واحد فقط

وع فكرة انا برد على نوور عشان بس مجهوودها بالقسم

انا رديت بس عشان خاطرك ياازعيم لان الموضوع بالادارة
واتحسبت خلاص ليا ع الدخله

ههههههههه

ربنا يسترها مع مصر يامحمد




بخصوص الرأي والرأي الآخر
مش لازم نتفق يا عمده ان ثقافة الرأي والرأي الاخر تكون في الحق
يعني ما ينفعش مثلا تكون واحده بيضربها 10 بالجزم على دماغها واقول انها هيا اللي غلطانه
واقول رأي ورأي آخر
ولا ايه رأيك

اتمنى يا عمده تتابع الدنيا شويه وتحاول تشوف الفيديوهات لأني نزلتلك فيديوهات كتير وانت مش عايز تشوفها مش عارف ليه ممكن تقتنع حتى لو مش هتقتنع تبقى عارف الدنيا فيها ايه يا باشا


وبخصوص موضوع الردود انت بترد على نور عشان مجهودها وما بتردش عليا مع اني برضه ببذل مجهود وكان الموضوع بيكلفني بالاربع والخمس ساعات عشان اضيفه وما كانش بيبقى فيه رد واحد حتى


نورت
MR_Dawsha23 غير متواجد حالياً  
قديم 01-12-2018   #10
معلومات العضو
 
MR_Dawsha23 جيــــد
افتراضي رد: نقاش لتقريب وجهة النظر

المشاركة الأصلية كتبت بواسطة بنت النيل مشاهدة المشاركة
انا كمان دخلت لما قريت العنوان
وده حيشجعنى اقول راى بكل صراحه
وياريت ماحدش يزعل
انا حتكلم فى موضوع واحد وهو العسكرى
انا مع عماد فى كل اللى قاله
الا موضوع الرد فى الاخبار والمجتمع
انا مش برد منعا للمشاكل لانى ماقدرش اشوف كلام مش عجبنى ومش حتناقش
لان بصراحه ومن غير زعل
مش بينزل فى الاخبار والمجتمع الا كل مايشوه المجلس العسكرى

طيب ايه اللي يشرف المجلس العسكري دلوقتي عشان ننزله !!
احنا ممكن نعمل زي سوريآ ونقول الجيش والناس اللي بتتقتل دي كلها خونه لسوريا وبشار والجيش هما الصح بس احنا احرآر ومش هنقبل ان مواطن مصري يتهآن او يضيع عليه حقه
او شهيد في قبره امه تتهان وتضرب بالشلاليت قدام محاكمة مبارك من ظابط جيش

المشاركة الأصلية كتبت بواسطة بنت النيل مشاهدة المشاركة
ويثير غضب الناس والشعب عليهم من فيديوهات وبرامج وصور
حتى لو كانت حقيقيه بس مستفزه

اها يعني انتي بتطالبي بإخفاء الحقيقة عشان الاوضاع تهدى ما نجبش سيرة التعذيب اللي في السجون وما نجبش سيرة كشوف العذرية اللي حصلت ولا نجيب سيرة احداث ماسبيرو والناس اللي انداست تحت مدرعات العسكر زي الكلاب .
ونسيب الناس اللي متضرره تعيش مع نفسها لأننا اصبحنا في امه لا تنصر المظلوم وتقف مع الظالم

المشاركة الأصلية كتبت بواسطة بنت النيل مشاهدة المشاركة
انا مش مع حكم العسكر وبتمنى يجى رئيس مدنى
لكن اللى يصعب عليا ان العسكر دول جيشنا
جيش مصر اللى حمانا وبيحمينا
ابويا واخويا وجارى وصديقى

للأسف مضطر اشرح واعيد للمره المليون يا دينا وقدام الناس مضطر اقولهالك هنا عشان الناس ما عرفتش اسباب خلافي معاكي انتي يا دينا مشكلتك الانسان بيوضحلك وبيشرحلك وبرضه مصممه ما تفهميش مش عارف ايه السبب ؟؟
مش احنا قولنا يا دينا ان المجلس العسكري مش هو الجيش الجيش ملك للشعب مش ملك للمجلس العسكري . واحنا لما هاجمنا هاجمنا المجلس العسكري لأنه استخدم الجيش ضد الشعب وبدأ يفقد الشعب ثقته في الجيش لمصلحته الشخصية

المشاركة الأصلية كتبت بواسطة بنت النيل مشاهدة المشاركة
مش حنكر ان لهم تجاوزات لكن ايه السبب ؟؟
يعنى لما عسكرى غلبان مالوش اى ذنب غير ان حظه الوحش خلاه مجند فى الايام دى
تيجى بنت او ولد ويضربوه بالطوب ويشتموه لمجرد انه عسكرى
طيب ازاى مايردش ؟؟؟ ده عسكرى لا حد دربه على ظبط النفس ولا دخل كليه حربيه
والاخر نقول العساكر بتضرب
طيب ماهو بيضرب لانه بيستفز ليه ناسين انه اخونا ومش زنبه انه مجند
طيب ليه زى مابنزل المواضيع اللى ضد العسكر
ليه مش بنزل الفيديوهات اللى بيضربوا العساكر فيها بالطوب
ليه مش بنجيب مواضيع فيها عدد الشهداء من العساكر والظباط
ولا هما مش شهداء برضوا ؟؟

نفس النقطه وضحتها قبل كده وهوضحها تاني مش قولتلك يا دينا قبل كده ان الجيش جهة نظاميه يعني ايه جهة نظامية يعني جهة تتبع للأوامر يعني ما ينفعش اي حد يتصرف من دماغه مهما تعرض للإهانات احنا يا دينا لو بكلامك وجيشنا كده يبقى لو دخلنا حرب بكره مع بوركينا فاسوا جيشنا هيتمسح .

والنقطه التانيه موضوع شهداء الجيش وكده احنا دافعنا على الجيش وبندافع عنه والموضوع ده خير دليل على كده
http://www.dawshagya.org/vb/thread142911/

والموضوع ما حدش رد عليه لأنه بوجهة نظر الناس الظباط دول فاسدين لأنهم كل اللي قالوه احنا مع الشعب لأن جيش مصر ملك للشعب ولغاية دلوقتي ما اتحققتش حاجه للشعب وبنطالب ان طنطاوي يسلم السلطه لرئيس مدني لأنه دي اول اهداف الثوره . وعلى فكره الظباط دول اخدوا 10 سنين عشان قالوا كلمة حق والناس في البيوت بتشكك لغاية دلوقتي وبتقول المجلس العسكري ما عملش حاجه يعني دول اتحرموا يشوفوا عيالهم لمدة 10 سنين واهاليهم عشان قالوا كلمة حق عشان الشعب وناس كتير في الشعب بتقول احنا بنحب طنطاوي وحاشيته!!

المشاركة الأصلية كتبت بواسطة بنت النيل مشاهدة المشاركة
ليه مش بتجيب اراء الخبراء اللى بيتكلموا عن ان الاقتصاد فى البلد وقع بسبب المظاهرات والاعتصامات الخ
ليه مش بنجيب شتيمه نواره نجم للشيوخ الافاضل بالفيديو حتى لو احنا مش مع ارائهم
ليه بس نجيبها وهى رايحه تتحاكم ولا بقى ساهل علينا نسمع الكبار بيتهانوا ونسكت كان مفيش حاجه

على فكرة الثورة لم تحكم اللي حكم المجلس العسكري وهو مسئول عن البلاد في خلال سنه
الاقتصاد وقع عشان هو جاب وزير داخليه ماعرفش يفرض سيطرته على الامن في خلال عشر اشهر الثوار مش ظباط شرطه .
الاقتصاد وقع عشان المجلس العسكري اتهم اي اجنبي في الشارع انه يهدف لتخريب البلد وده افقدنا السياحه وضيع علينا كل شركات الاستثمار .

المشاركة الأصلية كتبت بواسطة بنت النيل مشاهدة المشاركة
وبخصوص القصه الخايبه بتاعت نواره نجم انتي بس محتاجه تراجعي الموضوع وتقرأيه كويس لأن الموضوع مالوش اي علاقه باللي هيا بتتحاكم عليه دلوقتي
وعلى فكره محمد حسان كبير على نفسه مافيش كبير عليا الا ربنآ


المشاركة الأصلية كتبت بواسطة بنت النيل مشاهدة المشاركة
بص يامحمد لو انت عاوز فعلا تقرب وجات النظر
سيب كل واحد يكتب اللى عاوزه
سواء بقا مع رايك او ضده المهم يكتب بادب ومن غير مايتعدى او يسئ للاخرين
وقتها اكيد نقدر نقول ان الثوره نجحت وقدر كل انسان يكون حر فى رايه حتى لو فى المنتدى

المشكله مش مع رأي او ضد او وضحتهالك قبل كده ما ينفعش اجيبلك ازازة مية معدنيه واقولك جواها عصير ولما تعترضي اقولك الرأي والرأي الآخر لما يكون الرأي الآخر مبني على معرفه وثقافه اكيد اتشرف بيه بس لما يكون الرد الاخر كلام مرسل من غير اي حقائق او حتى معرفه اكيد بزعل لأني بحس ان النظام القديم قتل فينا حاجه اسمها معرفه وان الناس بطلت تعرف تدور على الحقيقة إرضاءا لعقولهآ


المشاركة الأصلية كتبت بواسطة بنت النيل مشاهدة المشاركة
ميرسى دوشه لانك فكرت فى الموضوع
وفعلا كنت محتاجه اقول الكلام ده
تحياتى للجميع

نورتي يا دينا واتمنى منك تحاولي تقتنعي بالحقيقه لو شفتيها قدامك
لأننا كلنا هنا عبارة عن اقلام وكل قلم يعبر عن فكر وثقافة صاحبه وشخصية الفكريه
اتمنى نراجع وندور ونشوف دلائل بعض ونشوف دي حقيقه ولا لا


MR_Dawsha23 غير متواجد حالياً  
قديم 01-12-2018   #11
معلومات العضو
مدير الموقع
 
sudr_madian جيــــد
افتراضي رد: نقاش لتقريب وجهة النظر

ياهلا 000
انا كنت كتبت انها اتحسبت عليا دخول للموضوع
ومكنتش عاوز اعلق تانى00 و

وممكن ارد عليك ايضاا بالفيديو زى ما انت ايضا بترد والحجه بالحجه بمعنى كل حاجة لها رد وفيديو
سهل جدا
وكنت ممكن انزل مواضيع اخرى وفيديوهات اللى موجودة بالمنتديات الاخرى وع اليوتيب
ومتنزلش عندنا وكانت حتجيب زوار اكتر بكتير

لعلمك انا متابع جيد جدا للاحداث والفيديوهات والقنوات والاراء ومعاك ان فيه حاجات غلط وانا قلت لك اللى غلط يتحاسب ويتعاقب كمان بالقانون 0000بس ساعات الانسان بيحكم عقله فى حاجات كتير للمصلحه العامة وناس تانية بتحسبها بطريقة تانية خالص 00 مصلحتى انا فين00 انا بتكلم عامه مش اقصد حد معين

يا جماعة لازم ندور على الحقيقة والنت خير وسيلة للمعرفة عشان نرضي كبرياء عقولنآ
اعتقد ان النت بقى وسبله الان لتصفية حسابات000 للكل وكل واحد بقى عاوز يشوه صورة الاخر
مش علينا احنا دة احنا غلابة قوى 00 لا دة فيه ناس تانية حيتان وبتعرف ازاى تلعب على المشاعر صح
ومش النت بس لا الاعلام الخاص ايضا والجرائد 00 امال دول يشتغلوه ازاى الا على اثارة المشاعر

لازم نحاول نشوف كل حاجه تتحط وندور في اكتر من مصدر لأن اسوأ شئ ان تكون الحقيقة امام اعيننا ولا نرآها

متفق معاك فى كده 100% ياااااااااااااااااااااااااريت


عشان لو كل واحد فضل مصمم على رأيه 100 % دون انه يفكر انه يدور على الرأي الآخر صح او غلط

برضة متفق معااك000 اتمنى





وبعدين يااحبيبى 000
تعالى نتفق على حاجات
1 الكل مع الثورة المصرية
2 الكل مع رئيس مدنى وليس عسكرى
3 الكل متفق ان الجيش يرجع سكناته بانتخاب رئيس مدنى
4 الكل متفق مع محاكمة النظام والفساد

بمعنى هل ما فيش اى حاجة خالص اتحققت مع بداية الثورة
لو دة رايك000 يبقى انت اللى غير متابع اخى محمد

انا قلت فى اول رد00

عاوزين تسامح بين الشعب كله مش عاوزين نقطع فى هدوم بعض
عاوزة ثورة اخلاقية مبنية ع الاحترام والراى والراى الاخرامال الشعب اسقط النظام القديم ليه
مش شتيمة فى بعض على القنوات والمنتديات
عاوزين مصالحه مع النفس اولا واخيرا لمصلحة مصر مش لمصلحه شخصية

وبخصوص موضوع الردود انت بترد على نور عشان مجهودها وما بتردش عليا مع اني برضه ببذل مجهود وكان الموضوع بيكلفني بالاربع والخمس ساعات عشان اضيفه وما كانش بيبقى فيه رد واحد حتى

يااحبيبى لو متابع حتلاقينى رادد لك فى مواضيع ومقيمك شخصى كمان وارجع للوحة التحكم عندك

نورت

دة نوورك يااغالى00
اما الحق بقى اجمع المحصول بلعبة المزرعة السعيدة ع الفيس
هههههههههههه
sudr_madian غير متواجد حالياً  
قديم 01-12-2018   #12
معلومات العضو
 
MR_Dawsha23 جيــــد
افتراضي رد: نقاش لتقريب وجهة النظر

المشاركة الأصلية كتبت بواسطة sudr_madian مشاهدة المشاركة
ياهلا 000



انا كنت كتبت انها اتحسبت عليا دخول للموضوع
ومكنتش عاوز اعلق تانى00 و

وممكن ارد عليك ايضاا بالفيديو زى ما انت ايضا بترد والحجه بالحجه بمعنى كل حاجة لها رد وفيديو
سهل جدا
وكنت ممكن انزل مواضيع اخرى وفيديوهات اللى موجودة بالمنتديات الاخرى وع اليوتيب
ومتنزلش عندنا وكانت حتجيب زوار اكتر بكتير

لعلمك انا متابع جيد جدا للاحداث والفيديوهات والقنوات والاراء ومعاك ان فيه حاجات غلط وانا قلت لك اللى غلط يتحاسب ويتعاقب كمان بالقانون 0000بس ساعات الانسان بيحكم عقله فى حاجات كتير للمصلحه العامة وناس تانية بتحسبها بطريقة تانية خالص 00 مصلحتى انا فين00 انا بتكلم عامه مش اقصد حد معين

يا جماعة لازم ندور على الحقيقة والنت خير وسيلة للمعرفة عشان نرضي كبرياء عقولنآ
اعتقد ان النت بقى وسبله الان لتصفية حسابات000 للكل وكل واحد بقى عاوز يشوه صورة الاخر
مش علينا احنا دة احنا غلابة قوى 00 لا دة فيه ناس تانية حيتان وبتعرف ازاى تلعب على المشاعر صح
ومش النت بس لا الاعلام الخاص ايضا والجرائد 00 امال دول يشتغلوه ازاى الا على اثارة المشاعر

لازم نحاول نشوف كل حاجه تتحط وندور في اكتر من مصدر لأن اسوأ شئ ان تكون الحقيقة امام اعيننا ولا نرآها

متفق معاك فى كده 100% ياااااااااااااااااااااااااريت


عشان لو كل واحد فضل مصمم على رأيه 100 % دون انه يفكر انه يدور على الرأي الآخر صح او غلط

برضة متفق معااك000 اتمنى





وبعدين يااحبيبى 000
تعالى نتفق على حاجات
1 الكل مع الثورة المصرية
2 الكل مع رئيس مدنى وليس عسكرى
3 الكل متفق ان الجيش يرجع سكناته بانتخاب رئيس مدنى
4 الكل متفق مع محاكمة النظام والفساد

بمعنى هل ما فيش اى حاجة خالص اتحققت مع بداية الثورة
لو دة رايك000 يبقى انت اللى غير متابع اخى محمد

انا قلت فى اول رد00

عاوزين تسامح بين الشعب كله مش عاوزين نقطع فى هدوم بعض
عاوزة ثورة اخلاقية مبنية ع الاحترام والراى والراى الاخرامال الشعب اسقط النظام القديم ليه
مش شتيمة فى بعض على القنوات والمنتديات
عاوزين مصالحه مع النفس اولا واخيرا لمصلحة مصر مش لمصلحه شخصية

وبخصوص موضوع الردود انت بترد على نور عشان مجهودها وما بتردش عليا مع اني برضه ببذل مجهود وكان الموضوع بيكلفني بالاربع والخمس ساعات عشان اضيفه وما كانش بيبقى فيه رد واحد حتى

يااحبيبى لو متابع حتلاقينى رادد لك فى مواضيع ومقيمك شخصى كمان وارجع للوحة التحكم عندك

نورت

دة نوورك يااغالى00
اما الحق بقى اجمع المحصول بلعبة المزرعة السعيدة ع الفيس

هههههههههههه

يسلموو يا عمده على ردك المميز كعآدتك

اعتقد اننا متفقين في الكثير

بس مشكلتنآ مختلفين في اشيآء صغيره

بخصوص مافيش حاجه اتحققت لأ اتحقق بس قليل جداا وبطئ جداا والناس كلها بتقول دلوقتي احنا كنا قبل الثوره افضل ده يعتبر تقصير من المجلس العسكري ماهي تونس عملت ثوره قبلنا بشهر ودلوقتي الشعب كله متوافق وكله بيحب الحكومه والناس عماله تهتف مع وزير الداخليه
بس لأن وزير الداخليه هناك مدني يعني مهندس مش ظابط زي كل دول العالم واول حاجه عاملها اقال كل قيادات الداخليه في جميع ارجآء تونس .

طيب ايه رأيك نبص للمصلحه العامه

دلوقتي البلد كلها قايمه ومش قاعده وشحن ومشاكل واعتصامات وكل ده ضد حكم العسكر

مش الافضل انه يمشي النهارده قبل بكره عشان نستريح

وهو اصلا كده كده ماشي بعد اربع اشهر يعني لو مشي دلوقتي مش هتفرق عن بعد 4 اشهر

والشهر اللي فات مش احسن من اللي قبل واللي قبله مش احسن من اللي قبله

يعني بقاءه للـ اربع شهور مش هيحل حاجه بالعكس ممكن يزود الحساسيه اكتر والشك حول مصداقيته

في النهايه خبر لسه طازه
ط¬ط±ظٹظ…ط© ط·ط§ظ„ط¨ ط§ظ„ط´ظٹط® ط²ط§ظٹط¯ طھطھظƒط±ط± ظپظ‰ ظ…ط¯ظٹظ†ط© ظ†طµط± - ط¨ظˆط§ط¨ط© ط§ظ„ط´ط±ظˆظ‚

ألسنا باقين في نفس عصر مبارك الشرطه تقتل المواطنين بدون حق

نورت مره تانيه
MR_Dawsha23 غير متواجد حالياً  
قديم 01-12-2018   #13
معلومات العضو
مدير الموقع
 
sudr_madian جيــــد
افتراضي رد: نقاش لتقريب وجهة النظر

هههههههههههه

خلتنى ادخل للمرة الثالثة

الحمد الله اننا وصلنا لمرحله حلوة من النقاش الهادف فعلا

وبحيك ع كدة

انت عارف يامحمد المشكله ايه

ان الجيش او المجلس العسكرى او ل مرة يتعرض لكدة او يواجه كدة
وعارف لو المجلس الاستشارى دة كان من الاول كان يبقى احسن طبعا

عشان كدة تحس ان فيه حاجات اتحققت بس بعد فترة او كانت بطيئه
لان ما فيش حد استشار صح او افتى صح

الكل واجه نفس المشكله اول مرة يتعرضوة لكدة

فابتالى لازم تحدث اخطاء وممكن اخطاء جسيمة

ياريت الكل يحط ايدة فى ايد اخوة

لان فى الاخر الخير والامان للكل

والهلاك للجميع

ومتنساش ان كانت الشرطة كانت واقعة بعد الثورة والبلد بقت مليانى بلطجية وحرامية واسلحة ع كل نوع
ومشاكل ع الحدود واسلحة بالهبل داخله ليبيا ومشاكل البدو بسينا ومشاكل الاعتصامات فى كل حته بالدوله كل واحد عاوز مرتبة يزيد وحوافز وقطع طرق0000 وغيرهاا كتير وما فيش اى انتاج الى الان 000 دة دلوقتى لو النور قطع على قرية الناس تقوم تقطع الطريق دة كلام
اتصدق وتامن بالله00 انا مرتبى ذاد بعد الثورة
وكنت اتمنى الايزيد الا بعد البلد ما توقف على رجلها
والله بقول الصدق لك00 لك ان تصدق اولا

طب تعالى بص ع الجنزورى ايه اللى اتعمل وابتدى ينفذة
تعالى بص ع الشرطة الان هل للاحسن او لا

والكل طبعاا بيرمى ع المجلس العسكرى

ولعلمك الخاص هو عاوز يطلع من القصة دى النهاردة قبل بكرة
بس لازم يسلم السلطة لحد

ولعلمك مش البلد كلها عاوزة يطلع النهاردة قبل بكرة زى ما انت بتقول
اكتر من 90% من شعب مصر عاوز العسكر يسلم السلطة للرئيس المدنى ان شاء الله
واعتقد زى ما انت بتقول من شهر4 لشهر 6 مش فارقة كتير

اللى خلى البلد مستحمله قرف الدنيا من 1952 فرقت بقى شهرين

قرات بيان الازهر الاخير اللى الكل والحمد الله متوافق عليه وكله مضى بالتوقيع عليه

اول مرة نتفق ع حاجة كلنا بلا اى استثناء

خطوة حلوة جداا

بس الموضوع منزلش عندنا لسة

احزاب وحركات ومرشحون واخوان وسلف ومسيحين

الكل يامحمد يتمنى الخير للبلد دى وما فيش حد مختلف ع حب البلد
بس بالحوار الهادف والخلاق دون تجريح فى حد

والله يرحم شهدائنا جميعااا


انا مش داخل تانى

ههههههههههههههههههههههههههههههههه

sudr_madian غير متواجد حالياً  
قديم 01-12-2018   #14
معلومات العضو
مدير الموقع
 
sudr_madian جيــــد
افتراضي رد: نقاش لتقريب وجهة النظر

بالنسبة للخبر

وأكدت ان الضابط المتهم بقتل نجلها تم فصله من الخدمة فى عام 2006 وتم حبسه عاما، وأصدرت محكمة المنيا بحبس الضابط احمد سامح الكيلانى عاما وفصله من الخدمة


من الاخر اللى يغلط يتحاكم وبلا اى رحمه

ومش معنى كدة ان الضباط كلهم حلويين او وحشيين

ما انا قلت لك من قبل فى كدة وفى كدة

بس ما عممش ع الكل

الغلطان يتحاسب

لو عمادة دة وحش بالمنتدى واخلاقة زفت يبقى المنتدى كله كدة

ولا عماد بس يتحاسب وياخد جزاءة000 دة اللى انا اقصدة

sudr_madian غير متواجد حالياً  
قديم 01-13-2018   #15
معلومات العضو
نور المملكة
إدارة المملكة
 
أسيرة المملكه
افتراضي رد: نقاش لتقريب وجهة النظر


مش بينزل فى الاخبار والمجتمع الا كل مايشوه المجلس العسكرى
ويثير غضب الناس والشعب عليهم من فيديوهات وبرامج وصور
حتى لو كانت حقيقيه بس مستفزه



ليه مش بنزل الفيديوهات اللى بيضربوا العساكر فيها بالطوب
ليه مش بنجيب مواضيع فيها عدد الشهداء من العساكر والظباط ولا هما مش شهداء برضوا ؟؟
ليه مش بتجيب اراء الخبراء اللى بيتكلموا عن ان الاقتصاد فى البلد وقع بسبب المظاهرات والاعتصامات الخ
ليه مش بنجيب شتيمه نواره نجم للشيوخ الافاضل بالفيديو حتى لو احنا مش مع ارائهم
ليه بس نجيبها وهى رايحه تتحاكم ولا بقى ساهل علينا نسمع الكبار بيتهانوا ونسكت كان مفيش حاجه


عن جد موش هتصيد لاخطاء الاخرين بس كلامك عجب ياادينا
واقفني عنده بصدمه عن جد
ازاااي تقولي كدا,, ولو انتي ذاكراتك محدودة وبتنسي بسرعه
فراجعي قسم الاخبار اللي كنت بنزله واللي غيري بيطرحه
حتي كمان ابو ردينة وانتي وعماد منزليين جهدمتنوع
ده حتي اللي اسمه عزت
اللي عمل موضوع وشتم امامكم الناس اللي مخالفه اراء البعض
والكل شارك في موضوعه وابدي رايه وكان في المجتمع
ده غير اللي كان في قسم العام والاسلامي

محمد حسان للعسكرى اتق الله قتل المؤمنين عند الله أشد من زوال الدنيا

فيديو شباب التحرير ينقذون كتب المجمع العلمى ويسلموها للجيش

استعدادات ضخمة لجمعة حرائر مصر ورد الشرف متابعه حيه بالفيديوهات والصور

بنات التحرير بتنام فى الشارع ليه

بالفيديو احمد فؤاد نجم يسب الجيش بالفاظ نابيه ع الهواء

الفرق بين عمر بن عبد العزيز و الحجاج بن يوسف

بصراحه كدا لو البت ما ماتيتش

إيه اللي جرالنا

حد يقدر يقولي مين دول لكي الله يا مصر

طبيب ومشرف على الصيدلية الميدانية ومشاهير حرضوا مسجلين على العنف

بالفيديو شهاده الفتاه التى سحلها الجيش مع يسرى فوده

كشف حقيقة الصورة المفبركه لجنود الجيش و هم يعتدون على فتاة

بالصور أهم اللقطات في أحداث فض اعتصام مجلس الوزراء

بالصور قصة الفتاة المصرية التي سحلتها قوات الجيش ونزعت عنها ملابسها

بالصور العقيد عمر عفيفي يحرض المتظاهرين علي خطف رجال الامن بطريقة رجال

ده للعلم فقط عينه صغيرة من اللي تم تغطيته واللي اغلبهم في المجمتع والعام واللي اغلبهم بردووو جهدك
مع العلم اني ملقتش مواضيع الاخ عزت
اللي كان بيقول علي الرأي الاخر ناس هلس ,,
اخيرااااا ,,اتمنا ان ياخذ الموضوع طريقه الصحيح في ابدأ الرأي
واستماع الاخرين حتي لا نرمي الكلمات جزافا
ولا نخرجها قبل ان نمررها بميزان دقيق اسمه الضمير





أسيرة المملكه غير متواجد حالياً  
قديم 01-13-2018   #16
معلومات العضو
 
MR_Dawsha23 جيــــد
افتراضي رد: نقاش لتقريب وجهة النظر

المشاركة الأصلية كتبت بواسطة sudr_madian مشاهدة المشاركة
بالنسبة للخبر

وأكدت ان الضابط المتهم بقتل نجلها تم فصله من الخدمة فى عام 2006 وتم حبسه عاما، وأصدرت محكمة المنيا بحبس الضابط احمد سامح الكيلانى عاما وفصله من الخدمة


من الاخر اللى يغلط يتحاكم وبلا اى رحمه

ومش معنى كدة ان الضباط كلهم حلويين او وحشيين

ما انا قلت لك من قبل فى كدة وفى كدة

بس ما عممش ع الكل

الغلطان يتحاسب

لو عمادة دة وحش بالمنتدى واخلاقة زفت يبقى المنتدى كله كدة

ولا عماد بس يتحاسب وياخد جزاءة000 دة اللى انا اقصدة

ماهو انت يا عمده بس لو تتابع الامور لغاية نهايتها من غير ما تاخد نظرة سريعة صدقني الامور هتضح قدامك بشكل افضل

اهو الخبر انا ضفتهولك وانت ما قرأتوش بشكل صحيح

بعد السطر اللي انت كاتبه مباشرة مكتوب انه اتحبس 2006 في حادثة قتل تانيه وده النص من الموضوع


وأكدت ان الضابط المتهم بقتل نجلها تم فصله من الخدمة فى عام 2006 وتم حبسه عاما، وأصدرت محكمة المنيا بحبس الضابط احمد سامح الكيلانى عاما وفصله من الخدمة.

وتابعت حورية ان الضابط المتهم مشهور عنه بالقتل ففى هذا العام قتل ميكانيكيا بطلق نارى بحسب رواية الداخلية ان المجنى عليه مسجل خطر وسبق اتهامه فى قضايا وأطلق النار على القوة المرافقة للضابط فتبادل الضابط المتهم مع المجنى عليه الأعيرة النارية بمنطقة الحى العاشر أمام سوق السيارات مما أدى إلى إصابته بطلق نارى وتوفى متأثرا بإصابته.


مع اني ما كنتش عايز ارد عشان شايفك عايز تخش على المزرعه بس مضطر لما شفت الرد الجديد اول مره انت تجبرني على الرد
MR_Dawsha23 غير متواجد حالياً  
قديم 01-13-2018   #17
معلومات العضو
مدير الموقع
 
sudr_madian جيــــد
افتراضي رد: نقاش لتقريب وجهة النظر

ياحبيبى انا قريت الموضوع كويس
انت مش فهمتنى00 انا اقصد باجزء اللى اقتبسته
ان بلاويه كتير ازاى دة طلع بعد كدة من بعد 2006

sudr_madian غير متواجد حالياً  
قديم 01-13-2018   #18
معلومات العضو
 
MR_Dawsha23 جيــــد
افتراضي رد: نقاش لتقريب وجهة النظر

دا اللي بنتكلم فيه ان الفساد لسه موجود اهوو

حتى بعد الثوره دا ازاي شغال

واحنا عايزين شرطه تخدم الشعب

مافيش تنضيف للأشكال الضاله اللي في الداخليه

MR_Dawsha23 غير متواجد حالياً  
قديم 01-13-2018   #19
معلومات العضو
مدير الموقع
 
sudr_madian جيــــد
افتراضي رد: نقاش لتقريب وجهة النظر

التنظيف عمروه ما حيجى مرة واحدة
دة ربنا خلق الدنيا فى 7 ايام
وانت بتنظف رواسب من اكتر من 50 سنه
لازم يطلع لك فلته معينه فى حته معينه
بقى السؤال
هل انت مش شاعر بتغير فى الشرطة عن الاول مثلا

واكيد طبعا فى فلول فى بعض الجهات مش شرطة بس
لا000 كل الهيئات والوزارت ودة طبيعى
والمفروض بالايام يبدا التلاشى

انما ما ينفعش ان فلول معينه مثلا فى التربية والتعليم
اقوم اشيل او احاسب كل الوزارة من الوزير الى العامل مرورا بالمدرس والادارى
المفروض السئ فينا حيتلاشى لان الكل بقى يحب البلد ومش حيبقى له مكان بينا بعد الان

بس بقى0000 ههههههه

sudr_madian غير متواجد حالياً  
قديم 01-13-2018   #20
معلومات العضو
 
MR_Dawsha23 جيــــد
افتراضي رد: نقاش لتقريب وجهة النظر

المشاركة الأصلية كتبت بواسطة sudr_madian مشاهدة المشاركة
التنظيف عمروه ما حيجى مرة واحدة
دة ربنا خلق الدنيا فى 7 ايام
وانت بتنظف رواسب من اكتر من 50 سنه
لازم يطلع لك فلته معينه فى حته معينه
بقى السؤال
هل انت مش شاعر بتغير فى الشرطة عن الاول مثلا

واكيد طبعا فى فلول فى بعض الجهات مش شرطة بس
لا000 كل الهيئات والوزارت ودة طبيعى
والمفروض بالايام يبدا التلاشى

انما ما ينفعش ان فلول معينه مثلا فى التربية والتعليم
اقوم اشيل او احاسب كل الوزارة من الوزير الى العامل مرورا بالمدرس والادارى
المفروض السئ فينا حيتلاشى لان الكل بقى يحب البلد ومش حيبقى له مكان بينا بعد الان

بس بقى0000 ههههههه

طيب
MR_Dawsha23 غير متواجد حالياً  

Powered by vBulletin™ Version 3.8.7
Copyright © 2019 vBulletin Solutions, Inc. All rights reserved.
Content Relevant URLs by vBSEO 3.6.1 منتديات