تسجيل الدخول


العودة   منتدى مملكة الدوشجية > القصص والروايات > الروايات الرومانسية > روايات عبير الرومانسية

روايات عبير الرومانسية روايات عبير الرومانسية , روايات عبير المصورة , روايات عبير القديمة , روايات عبير مكتبة زهران , روايات عبير مكتبة مدبولي , روايات عبير دار النحاس , روايات عبير الجديدة , روايات عبير المكتوبة

الحلقة الثامنة فى يوميات بنت فى اولى كلية تجارة

(الحلقه التامنه) فاقت منى قليلا بعد كلام شيرين , وقررت للمرة الثانية ان تنسي احمد "قال ايه" , واصبحت حتى

 
 
  #1  
قديم 10-05-2018

دوشجي

رقم العضوية : 108926
تاريخ التسجيل : Aug 2018
مجموع المشاركات : 201
وردة البستان غير متواجد حالياً

وردة البستان


 

(الحلقه التامنه)




فاقت منى قليلا بعد كلام شيرين , وقررت للمرة الثانية ان تنسي احمد "قال ايه" , واصبحت حتى تنساه تجاهد نفسها كي لا تفكر به, وبهذه الطريقة تضاعف تفكيرها فيه, لان ان تحاول التوقف عن التفكير بأحد فانك تبذل مجهود اكبرمن ان تفكر فيه , ونخرج بذلك من الامر ان منى نست احمد به.
***************
احمد: متعرفش نمرة الواد وائل عبد الكريم؟
كريم : ليه؟, والله انا لو من الواد دا معرفكش تاني.
احمد: ماهو مش انا الي هكلمه , انت الي هتكلمه.
كريم: وحياة امك ؟ ليه بقي ان شاء الله.
احمد: مش عشاني والله , كنت عايز احجز عنده درس.
كريم: ليه؟ ناوي تختصر وتاخد الكلية م الاول؟
احمد: مش طالبة ظرف, مش ليا يا ظريف دا لمني.
كريم: على اساس لما هتقولي منى هفهم , منى مين يابني؟.
احمد: قريبة شيرين.
كريم: انت رجعت تاني؟؟,مش كنا خلصنا.
احمد: ايه يابني انا بعمل خدمة لشيرين.
كريم: على ماما ,ومن امتى بقي الحنية دي؟,من ساعة ماقلبتك ولا من ساعة ما مطلعتش الرحلة ؟.
احمد: بقولك ايه اطلع من دماغي , هتتصل ولا لأ؟.
كريم: هتصل عشان خاطر شيرين بس, وعشان خاطر الواد الي سيبته صاحبته الغلبان دا بس.
احمد: تلاقيه هو نفسه نسي , انت لسه فاكرلي يا كيمو, اخص عليك.
كريم: ولما هو نسي , ماتكلمه انت ياخويا.
احمد: اللهم طولك ياروح هو انا معرفش اطلب منك حاجة ابدا الا لما تطهقني كده.
كريم: لأ وعلى ايه , هكلمه, بس انتي متزعليش مني يا قطة.
احمد: طب يا روح امك خلص.
كريم: طيب متزقش.
***************
منى: انتي عارفة يا سارة احسن حاجة اني لما قررت انسي احمد دا خالص, جيت على نفسي اهه وشلته من دماغي, يعني خالص ,بجد, اه.
سارة:..................
منى: انتي مبترديش عليا ليا؟
سارة: عشان دي عاشر مرة تقوليلي الكلام ده من الصبح , دا غير انك قولتيهولي امبارح في التليفون , بالله عليكي انتي كده نسيتيه؟.
منى: اه ... طبعا....انا مبفكرش فيه خالص.
سارة : لا ابدا ... اصل هو انا الي بحب اجيب سيرته , بحب اتكلم عنه , وماليش سيرة غيره م الصبح, الله يسامحك يا شيخة انتي واحمد بتاعك دا.
**************
كريم: على فكرة,كلمتلك الواد ,وطبعا مجبتش سيرة سعادتك .
احمد: مشكوريا سيدي.
كريم : وانت بقي عايز ايه من منى دي؟
احمد: ولا حاجة اهي حدوتة جديدة .
كريم: هي البت حلوة بس, شكلها مش بتاعة بمب وفراقيع.
احمد: لا يا سيدي , هي بتاعة بمب وفراقيع, مشفتش لما قالتلي واحد صاحبي هيشرحلي, وبعدين لو مكانتش كده مكنتش ردت عليا لما اتصلت بيها, انت بيدخل عليك الكلام دا, دا تقل ,وبكرة هوريك.
كريم: طب ولو طلعت مؤدبة بجد يا فالح.
احمد: وانا هخسر ايه يعني , لو كانت مؤدبة خير وبركة اهو حتى الواحد ينضف, وان كانت بتتقل هوريها هي بتتقل على مين.
كريم: ماهي لو مؤدبة اصلا مش هترضى تصاحبك.
احمد: يا حبيبي كل بنت ليها سكة, لما نشوف دي سكتها ايه.
كريم: ربنا يسترعلى البنت.
احمد: سيبك انت من السيرة دي, هنسهر فين النهاردة؟

 

 

 

 

ننصحك بمشاهدة المواضيع التالية ايضا

انثى من الزجاج
خاطرة حزينة
لا تفش السر طلبتك
اشباه البشر
خاطرة رئعة
انا وحبيبتى
قالت لي الفراشه
حب رتل لوحتي



 
التوقيع : وردة البستان

Powered by vBulletin™ Version 3.8.7
Copyright © 2020 vBulletin Solutions, Inc. All rights reserved.
Content Relevant URLs by vBSEO 3.6.1 منتديات